D. B. Cooper

D. B. Cooper
Vida
Nacimientu	probablemente 27 d'abril de 1933
Muerte	24 de payares de 1971 (38 años)
Oficiu	secuestrador (es)
Seudónimos	Dan Cooper

D. B. Cooper ye'l nome atribuyíu a un home que secuestró un avión Boeing 727 nos Estaos Xuníos el 24 de payares de 1971, recibió un rescate de US$200 000 y saltó en paracaíes dende l'aeronave.^[1] El nome que'l secuestrador usó pa encetar l'avión foi Dan Cooper. Sicasí, les iniciales «D. B.» acomuñáronse permanentemente col secuestrador por cuenta de un error de comunicación cola prensa, que tuvo conocencia de que poco dempués del secuestru'l FBI entrugara a un home de Portland llamáu D. B. Cooper, quien nunca foi consideráu un sospechosu importante.^[2]

La forma na que Cooper escapó de la xusticia según la incertidume sobre'l so paradoriu siguen intrigando al públicu. El casu de Cooper, que'l so códigu ye «Norjak» nel FBI,^[3] ye l'únicu casu de piratería aérea ensin resolver nos Estaos Xuníos^[4] y ye unu de los pocos d'esi tipu que queden ensin resolver en tol mundu xunto al Vuelu 370 de Malaysia Airlines.

A pesar del gran númberu de pistes que s'atoparon col pasu de los años, nun s'atopó evidencia concluyente sobre la identidá del secuestrador y el so paradoriu. Esisten múltiples teoríes de lo que pudo asoceder tres el saltu, pero'l FBI cree que Cooper nun sobrevivió.^[5] A finales de 1978, cerca del área onde se cree qu'aterrizó'l secuestrador, afayóse un cartelu nel qu'había indicaciones p'abrir les compuertes traseres d'un Boeing 727. Coles mesmes, en febreru de 1980, nes veres del ríu Columbia, un neñu d'ocho años atopó $5 880 en billetes de 20 que resultaron ser parte del rescate pagu.^[6] El restu del dineru nun foi recuperáu.

N'ochobre de 2007, el FBI declaró que llograra un perfil parcial del ADN de Cooper a partir de la corbata que dexara nel avión.^[7] N'avientu d'esi mesmu añu, l'axencia reabrió'l casu publicando nueva información y delles semeyes que nunca antes fueren amosaos al públicu coles mires de tratar de llograr nueves pruebes que llevaren a la so identificación. Na rueda de prensa, el FBI repitió que cree que Cooper morrió tres el saltu, pero que siguíen investigando la so identidá.^[7] El 12 de xunetu de 2016, l'axencia anunció que daba per terminada la investigación activa nel casu pa enfocase en casos más prioritarios.^[8]

1. ↑ 200 000 dólares d'Estaos Xuníos de 1971, actualizaos a 2009 en función de la inflación equivaldríen a más de 1 000 000 de dólares. «CPI Inflation Calculator» (inglés). Departamentu de Trabayu de los Estaos Xuníos. Consultáu'l 13 de payares de 2009.
2. ↑ Error de cita: La etiqueta <ref> nun ye válida; nun se conseñó testu pa les referencies nomaes Bragg4
3. ↑ Himmelsbac y Worcester, p. 135.
4. ↑ Pasternak, Douglas (24 de xunetu de 2000). «Skyjacker at large» (inglés). U.S. News & World Report. Archiváu dende l'orixinal, el 4 d'ochobre de 2009. Consultáu'l 29 de payares de 2009.
5. ↑ «FBI Makes New Bid to Find 1971 Skyjacker» (inglés). San Francisco Chronicle (2 de xineru de 2008). Archiváu dende l'orixinal, el 3 de xineru de 2009. Consultáu'l 13 de payares de 2009.
6. ↑ «Cash linked to ‘D.B. Cooper' up for auction» (inglés). MSNBC (31 de marzu de 2008). Consultáu'l 13 de payares de 2009.
7. ↑ ^{7,0 7,1} «D.B. Cooper Redux» (inglés). FBI (31 d'avientu de 2007). Consultáu'l 13 de payares de 2009.
8. ↑ Error de cita: La etiqueta <ref> nun ye válida; nun se conseñó testu pa les referencies nomaes rS